鋁生，性功能下降比死亡更嚴重?

如果叫你唔好食咁多雞蛋仔，會膽固醇過高，影響健康甚至死亡，大家自然會話，「係呀?」但會繼續排隊照食可也。但今天叫你唔好再食雞蛋仔、鬼佬鬆糕，因為會影響你性功能，相信大家會即時正在咬著個糕都要即時吐出來，玩下手自己想扣喉把皮原本吞落的都要嘔出來。

人就係咁，死，冇所謂，但「唔得」，好大件事喎。

昨日新聞食物安全中心講話叫大家唔好食咁多含鋁的食物，個發言人一路講，嘴角微微向上，想笑與不笑之間，有點古惑樣，然後各大媒體都好努力報導呢單新聞，可見性能力在現今社會，即使在現代人士生活，性仍然是佔著一個很重要的位置。

食煙會肺癌，會冇人理，但食煙會陽萎，面都青，其實真係想問邊個會在買煙時，會買包個cover是陽萎的那包呢?正當你在dragon-i溝女慶起時準備有著落，伴侶正拿起包煙時見到這個cover，然後帶著疑問眼光望望你時，即時冷水照頭淋你啦，仲駛去威?

因此犀利士Cialis、偉哥等能夠成為醫藥市場的高居排行榜，電郵成日兜售這些藥品總是有其理由。

所以當政府叫人有健康生活、均衡飲食、多做運動的話，代言人其實應該搵Edison而不是搵家燕媽媽這麼正派人物，男人越壞女人越愛，道理不變，也是Edison人氣反彈之時。

不過包點皇這些公司真係多得食物安全中心唔少，咁樣搞一搞，銷售點都下降啦，雖然過幾日大家都唔記得，但係點都有個心理障礙，今日和朋友飲茶時，朋友已經強烈提醒唔好食馬拉糕就知啦。