唔好討論文法，返回正軌討論施政罷啦。

我們的行政長官同埋立會議員，以及時事評論及各媒體，可唔可以正正經經走返正軌，討論權霸的施政。

權霸小氣咪由鬼佢，議員冇謂係呢d小事挑剔啦，做番d野啦，頂。唔好將英文文成為大家焦點所在，這樣使核心問題轉移開去，得不償失。

從這個施政，要批判的，其實可以有不少，單是對產業所謂的支援，又是三幅被，講真一句講晒，現在全球產業發展，其實都是政府與企業之間的互動關係才得出成功，正如為什麼香港地產如此篷勃?其實就係政府同地產商的互動關係，如地價、政策傾斜等，讓樓價如此地高，這些就是互動關係和利益關係所在，如果要發展新興的產業能夠成功，心態其實可以和地產界合作的模式便可。

人家來港投資，關鍵是優惠和著數，當中稅務是最好不過，免稅其實是不少國家甚至內地常用的技倆，這的而且確是政策傾斜，補貼也是其中之一，反對會是說浪費了政府錢，但你要搞的話，立會必定通過，因為保皇黨，阿公吹雞，邊個唔會唔聽呀。河套區加快落實啦。其他讓新興重點鼓勵的企業來港有稅務優惠是一個良好政策，參考新加坡、上海甚至東莞都得。

唔好以美國沒有政策傾斜，只是人家早幾十年前做左，依家唔駛做咁解，單係互聯網軍用轉民用已經夠啦。

至於政制改革，只說了下個月會正式出台諮詢，內容還未看到，相信民冀特首的門檻很高，如要有由八百人選委會鄰選，然後才讓選民選舉都唔定，這讓確保競選特首人物仍在中央掌握之中。

立會過往民望高很多時都是一些唔多出聲，個樣有點扮到正氣便成功，典範中便是范太，其次是余若薇。現在橫看都唔多見有個正常咁，唉。

自求多福罷啦。