廣告是時代的變化

我其實幾喜歡睇廣告，因為廣告能夠在短時間表達到一件服務和產品而造成回響，這種功力其實比起電影更難，但是成功廣告未必做得到。

另外睇廣告當然是有好多野睇啦，單係「睇女」都夠你睇啦，如近年最成功捧紅女藝人的廣告，相信是財務公司邦民Promise，當然「邦民Promise，易借易還」這句的確是啷啷上口，而更加深入民心當然是「邦民女」啦，其實第一代的邦民女梁寶琪都不錯，不少少男麻甩佬都幾喜歡佢，但時勢不在，當時o靚模未開始，所以時不與我，只能在now做下主持，及後Kama第二代的邦民女更成功上位，其笑容絕對捉到年輕借貸族群，特別是男性心態，而新一代的邦民女亦同樣成功，雖然這個廣告未必讓你一定要走去借錢，但是你必定記得有這間財務公司都已經足夠，而且這成功亦帶領不少財務公司以及其他金融公司都以「少女」為代言人賣點去推廣服務，可算是打開以女sell財務的廣告概念。

另一個近期成日見報便 稱警鐘胸的Jessica C在Canon廣告，佢警鐘真定假，男人都已經唔太care，因為佢對住阿葛「你...你」果下，你都想做阿葛入屋啦，而且電子產品以男性為主要購買用家，以她作女主角都可以draw到個主意力，然後原來她仲要係胸圍wacoal代言人，係金鐘地鐵大大的廣告招牌，你都咪話唔殺死啦，即使警鐘來臨，自然即刻「走火警」。

另一個近期覺得幾得意係萬寧的小妹妹廣告，其實個男人都幾靚仔，但男人在廣告好多時都好難紅，紅的多數不是靚仔，而是怪男，例如益力多個男仔大叫 「唔認得....」便成功，但靚仔成功做賣點則少見，除非佢已經係明星如古天樂的「輪胎能」，這次萬寧小妹妹最後一句「我都有少少鍾意左你」呢句絕對可以成為talking point，讓我想起數年前國泰那個小妹妹一樣大鬧機場廣告都很吸引消費者的注意。

二三十年以前廣告賣點是產品直接的功能為主要推廣任務，但時代轉變，軟性銷售讓用家潛而默化入腦成為新形勢，所以銷售一個意識和感覺就已經得，即售「品牌」而非「產品」，可見新世代品牌的重要性已經超越了產品的重要性，這也說得對，因為品牌持續性是可以很久，可以是持之數十年，但一件產品生命週期不長，數年可能已經很勁。

當然也有不唔搭八的廣告，如王菲的追風，著件古裝賣洗頭水，只能說搞笑同無聊，亦引不起興趣去理解這個品牌，即使記得是霸皇，也只是記住佢搞笑而非其品牌價值。