周五午市一述

今日一早買份信報睇時，點解冇左一疊既?副刊和社評都唔見左，得份畢老林果份。少左缺，唔係化，比七仔昆左。

吃完喜喜二十八元切雞分蹄瀨後，還有時間，便走到pacific coffee睇下報紙，平日甚少走到這些店，因為一杯咖啡都成三十幾元，我吃個飯都係三十元有找，但今日走入去，唔通齋睇報紙咁cheap檔，唯比比左26元飲左杯熱的irish cream鮮奶當冬天補身。一杯鮮奶26元，一碗瀨粉28元，可謂堅尼系數差距有幾大從兩樣食品和飲品得知。

當然比得26元鮮奶，當然係咁死lun份報紙啦，不過lun得幾多，但作為一個每日的讀者，唔睇唔安樂咁既態度，都要望兩眼。

該報國際版講起歐盟選總統，嘩，總統咁激?其實是歐盟的理事長，這個職位以前由歐盟各國領袖各做半年，依家改制，推選一人一次過做二年，可以連任多一屆。但這個職位是否俱有影響力，實在只是花瓶位，即係陳法拉、佘斯曼果隻，耐唔耐可以發揮下演技，但到戲肉，還是由李斯琪、米雪等做主打，有如這個歐盟總統，或者有兩下是表現到一些成績出來，但到最後關頭和利益食糊位，還是各自的大國如德國、法國、英國三大歐盟國家話事人主持。

至於這次歐洲總統聲稱是屬意比利時首相，是幕後德法兩國推出，而英國屬意貝理雅，但相信貝不能任職。而選比利時小國的首相做歐盟總統，其實明顯是不想歐盟俱有實際影響力，歐盟各國自己的盤算，各懷鬼胎，是否真正歐洲一統，都是短期難以實現，而文化、歷史政治、經濟差異極大，現代國家模式確立後，更難有一種統一性的政治體制國成立，非要幾代人統一思維洗禮後才有轉機。

睇完份報紙，飲完杯補身鮮奶便走人，步出門外，冷風一吹，寒意仍濃，今晚回家吃個天倫樂火鍋，還是最合心水。

趁周未前還有時間上網，在此同外甥仔講聲先，生日快樂，事事如意。