林鄭氹後生買樓做樓奴的陰騭招數

林鄭今日份施政報告，破天荒透視視像發表施政報告，有如拉登一樣，但佢比拉登更加龜縮，同樣一樣咁陰騭，因為佢都係推人去死。

這份施政報告，所謂的派糖並不是新鮮事，反而放寬樓宇按揭是值得留意，首次置業人士（即申請時並未持有任何香港住宅物業）可申請最高9成按揭貸款的樓價上限將由現時400萬元（港元，下同）提升至800萬元，而可申請最高8成按揭貸款的樓價上限則會由600萬元提升至1 000萬元；後者可以包括自用樓換樓按揭。其後HKMC發新聞稿補充，首次置業人士如未能符合壓力測試（以現行按揭利率加3%計算），仍可申請敘造最高8成或9成按揭貸款，其保費會因應風險因素作額外調整。

聽落去好似真係市民喜訊咁款，協助市民置業，可謂大家安居樂業，前途一片光明。但唔該停一亭，諗一諗，按揭幾多，你都係要還，唔係比你唔駛還架!!

這幾年樓市極度升溫，為左降溫，搞左唔少政策，其中之一係嚴格看管按揭成數，話要打擊樓市過熱，依家又放寬按揭，仲要未能過到壓力測試，都可以做八至九成按揭，前後嚴重矛盾到一個點。依家中美貿易戰未明朗，施政報告仲話經濟增長只會有零至一，但然後你推人去買樓。呢個係咩玩法。

其實林鄭班底係咪TVB編劇，完全無邏輯，又無常理。

在我地香港過往歷史當中，供樓成一種文化，一種常態，你無樓唔得，溝唔到女，無社會地位，無人認同，但你有樓，就有女溝，有錢收。這種文化，無疑植根係港人心中。但係這種心態，係咪真係正確，真係需。當你成世人要供幾球野，你嘅人生就係只餘下供樓，你想要的東西、理想，都會有可能因為供樓而被迫放棄。依家政府又再次鼓勵人供樓，又係另一種糖衣毒藥。

當你勞役地供樓的心態，心力還可以有其他東西嗎? 你還會想爭取一些理想嗎? 到時你有樓，你咪變左「收成期」班阿叔，你唔好搞到我層樓跌呀，我同你死過呀。到時我銀主盤仆街就大鑊呀，你地唔好搞咁多野啦，即樓上升，大家咪幾好，做咩上街姐，你地係咪收左美國佬錢搞亂香港呀!! 你地班人只識嘈，毫無建設性，安穩生活有樓係基本呀，你睇下我有層一千萬樓呀，你有冇呀(但無同你講佢壓力要供到要跳樓咁滯。)

這種推人去死，同恐佈分子一齊攬住炸彈一鳩樣。面果浸同你講為你好，底果浸根本係要你捱住供樓，無晒意志，咁樣你就唔會搞事，安份守己無反抗餘地。

做人做到咁仆街，真係得你一個林鄭同呢個執政者集團。