點解唔捨得《蘋果》?

真心講，《蘋果》並不是好好的報紙，標題煽情、誇張，至於內容是否中立，則另作別論，因為報紙可以有立場，所以取向唔同，有其報格自由。

咁點解唔捨得《蘋果》? 唔係唔捨得《蘋果》，係唔捨得可以容納到《蘋果》嘅香港，因為不能夠容納一份報紙，不論是何種立場，都理應給予空間，但今天沒有了空間，咁就係「唔好」。

《蘋果》沒了，不以為一些網媒有機會，現在這是生死存亡。說實話香港不少網媒其實都是靠《蘋果》維生，這並不是《蘋果》養起佢地，而係網媒靠《蘋果》的資訊做第二轉載報導、評論以及Follow Up。現在《蘋果》沒有了，網媒怎樣搵料? KOL怎樣寫評論? 當然有其他本港媒體都可以提供到資訊，但是即時、挖料，未必像昔日這麼容易好做了，網媒便要食自己了。

《蘋果》的生存反映香港的資訊有幾高度自由流通，而香港成功在於資訊流通大和高，言論自由強，資訊可以隨時轉載及傳送，但是這一環其中一節被摧毀，整條生態鏈便沒有，香港的優勢便會失效。

當然失效並不等於死亡，七孔流血還七孔流血，死還死。但是醫好也曬藥費卻可以是肯定。優勢不存在，還有什麼價值可言。人家轉去新加坡唔好? 大家都無咩言論自由時，咁人地英語社會，同聲同氣時，咁就唔同玩法。

《蘋果》被毀只係開始，之後還會陸續有來，骨牌效應，當中不只是媒體，還有資訊服務，一些俱有宣傳能力的組織，都會是下一個目標，「睇路」。

黑暗仍然是黑暗。