政府活化工廈來搞骨灰龕堂，咁搞笑?

剛剛看完無線新聞，政府有見骨灰龕堂不足，除了在和合石等地興建新堂外，還考慮在工廈搞骨灰龕堂，聽了這個新聞，真的想笑。

大家說要活化工廈，原來活化的模式其中一個新橋就是這樣?唔係化?實在超有創意。

平時居民說起骨灰龕在對面街或者視線範圍內都已經有大量反對聲音，現在建於工廈內?咪玩啦。如果你是商廈單位的物業投資者或者租戶，你會願意嗎?

事實上在現時一些商住地方建有骨灰龕堂其實已經有問題，但基於沒有規管下才會這個情況出現，但現在政府還要鼓勵你到工廈搞?

政府真係當香港工業死左，所以一站式想法不如都放埋骨灰龕，一條龍嗎?

骨灰龕堂其實是需要在一些遠離民居，清幽寂靜的地方，除了是避免擾民外，更重要的是讓先人有一個較清靜的地方，才是尊重先者的態度。

離島地方，甚至香港有大量郊區都是可考慮的地方。

菜園村你話收地就即時做到野，趕到村民離鄉別井，你骨灰龕咁搵唔到?先人又一路搵唔到地方落腳，唔係化?
有時又說什麼必要的行動，但有時又找借口說居民反對所以要擱置，咩都你講晒。

現在是活化工廈還是將工業埋葬?

另一方面李華明都好搞笑，佢話盡量整到唔似骨灰龕堂，真係咩野邏輯呢?

政府，真係估你唔到。