建議全港市民明年考DSE

政府話會讓明年考DSE的同學免費考試，此事一出，好多人都話走去考，話想玩下，特別係話想考Oral喎。

其實明年全港市民一齊考DSE就好，特別係為人父母以及中年人士，等佢地感受一下公開考試，今天DSE考試的壓力如何，唔好成日話依家D細路無用，少少壓力就要生要死云云。

仲要佢地考完唔係玩玩下，堅認真去考，唔理考得好唔好，就將份成績同時Send去佢地嘅公司老闆度，咁就知道咩叫做考試壓力了。

「我會考A-Maths當年擺A架。」依家考數都唔知你明唔明條題講咩都似。
「依家d學生英文真係好屎」好你就去試下考Oral，睇下拿到幾多分。
「英文又唔得，中文又差，依家d後生真係好廢」睇下你考份死亡之卷會拿咩Grade先好出聲。

建議蔣麗芸、梁美芬、屈穎妍之流去考DSE是單一科，睇下自己有幾威都好呀。唔好成日係報章上話年輕人有幾差，或者對國家有幾不認識，咁考份中史睇下咪知你對國家有幾多認知都好呀。

現在政府可謂今次用心良苦，真係為廣大的學生來一次大平反呀。香港人特別中年以及上了年紀的人無野叻，最叻就係恃老賣老，一陣就話想當年，四十至六七十年歲，根本就是活在香港盛世年代，環境同依家兩樣時，可謂時勢做英雄，考一次DSE好肯定即時現形，唔係話成績有高定低，而係面對考試這種壓力你如何處置。不過到時我怕壓力太大的中年一輩，一陣唔知發咩神經，然後話佔中累事囉。