點解D人成日要人請食飯

你身邊總有這類人。

嘩，升職加人工，請食飯啦。

嘩，溝左條女，請食飯啦。

嘩，中左六合彩，四獎，請食飯啦。

嘩，今日咁好天，請食飯啦。

嘩，今日放工，請食飯啦。

其實以上還有一千幾百萬個借口，這類人，一定會叫人請食飯。

點解硬係要人請你食飯呢?真係好想問

一、你好肚餓?
二、你冇飯開?
三、你好窮?

定係你好貪心?

會有人話，其實都係口頭禪而已，講下又不一定要咁，只係開場白，唔駛咁mean嘅，放鬆下啦。

但無原無故做咩要人請你吃飯呢?這些開場白真的比恭喜、祝福來得好嗎?

一個人真心請你吃飯，並不是迫，而是自願，心甘命抵去請你吃飯才是一餐好吃的飯。人家不願意但見你硬要死chur，吃了也背脊骨落啦。

倘若這是口頭禪，那這是一種沒有禮貌的習慣，要人家的東西，不問由來，不是聽過無功者飯餸不留嗎?如果人家高興是有喜慶日子，想和大家分享，自然會願意去做，而不是迫人去做。

如果人家升職，想緊大家開心分享自己的喜悅，又或者是一種職場上禮貌的話，自然會去做，其地理由也是，實在不需要這樣去抓爛塊面去討一餐飯。

況且人家請你一餐飯，你會肥左同靚左?其實只會在背後說你又係度貪小便宜。

如果你有子女的話，千祈不要教他們這樣，當然以身作則其實已經夠，因為父母的行為就是最好的課程。