謝斐道信得過補數

昨日去完黑列店喜喜後，天氣仍然寒冷，所以想吃一點熱食抗寒風，而自己向來都愛吃麵食，所以便走到謝斐道的一間麵店叫「信得過」。

這麵店是專門賣一些豬食內臟食品，如豬腰、豬潤、豬心等，而賣點是其湯底，說是「火朣雞湯」。如果不愛吃這些內臟或不會到這店，不過這兒都有其他選擇，當中菜肉餃是不俗，值得一試。

論好味程度，其實不算是頂級上等，但作為午餐店，好一餐，唔好又一餐，環境整理，食品中上，客戶服務良好，那是過關罷。我點了豬腰仔，味道不錯，雖有一點點點點點味(要好留意)，但都可接受，而且豬爽脆很咬口。而湯底味濃(應該冇味精，因為我有味精病，但唔知有冇一滴香喎，但理論上香港應該少有掛。)

其實寫這文重點不是食物，而是態度，這兒的侍應很賣力，態度良好，當中不論老中青對客人都好而且反應快。為何?其中主因是因為有老闆在場主理，這位老闆叫peter哥(我唔識佢，但店的招牌係咁寫。)每到午市佢必在場，而且親力親為，所謂力不到不為財便這意思。

有趣的是每有客人埋單走人，侍應都會說「有客歡送。」這意思是埋單咁解，意思不同，但顯到其有心。你話假都好，但至少有人肯做呀。

至於價錢，其實是中上，因為33元一碗麵，而且麵是不太多的，但濃湯補數，因為你可以飲埋佢。

這店的老闆之前在灣仔克街開了一間叫靠得住粥店，但現在賣了給太興。而自己則轉戰這兒謝斐道。

吃完和飲完湯，個身暖番，舒服好多。