中國人其實咪一樣歧視人

記得早前奧斯卡有一幕找了幾個華裔兒童上台，他們不發一言，樣子呆滯，後來林書豪在網上開炮轟大會有歧視華人之意。

倘若你去旅行如印度或者你走入去重慶大廈，朋友知道，會笑著話「你去食咖喱呀?」你會講阿差、阿星。

你平日有冇講白鬼、鬼佬?

近日無線有一個藝人叫黃建東，在網上播了一段短片，是扮印度婦女，口音怪怪地唱那首PPAP洗腦歌，有成幾千個view，本地多個媒體都報導，上晒報，在臉書上仲有唔少Share，然後不少留言話，好好笑，加油。

聽到呢句加油呀，有如聽到GEM叫梁生加油一樣咁難聽。想問表演藝術是這樣嗎?是要用別人的種族來取笑嗎?

而且真心唔覺好笑，仲要好無聊兼幼稚。

如果有留意他的臉書，一些南亞裔人非常氣憤，大叫要report這條片，但更加覺得慚愧的是有讚的人，不少是華人，當中自然好多係香港人啦。

原來笑人就得，笑自己就唔比。

這是一種什麼的邏輯理論?

唔通人地唔係人?所以可以笑?

那些近日走出來大叫不要歧視，什麼民族大義之輩，請唔該走出來一樣聲討這種侮辱人家的所謂惡搞短片。

平日連小學教科書本都有既定的意識形態，菲律賓裔人一定是傭人，這又是什麼意思?這又不是歧視麼?

其實一直都有歧視，而且以笑來歧視就當冇事發生，講下笑，不要太認真就把事件淡化，這才是最讓人不悅和氣憤。

當你說歧視時，問下自己你係咪也正在歧視人，檢討自己先。

P.S.唔想比link，因為唔想佢再多view，以為自己做得對。