中共諗盡辦方填條區選數

建制區選大敗，是港府以至中共都預料不到，也無人會預計到只係因為一個陳同佳就搞到今日收唔到科，區選輸到議席得雙位數，真係點都無辦法想像到，這次政治災難對中共來說是一次教訓，因為以往這條水是十拿九穩，現在卻面臨財政困難。

區議會是一向都是建制天下，幾百個議席養的人是龐大，單是議員都數百，還要加助理，助理的助理甚至界外人物，這些收入一下子斷了，無疑是一個問題。當然作為全球第二大經濟體的中央集權體制，你要養這班人並不是困難，阿公放水係可以，但是阿公願唔願意又係另一回事。條數原本可以不用拿出來，要中共嘔，將心比己，其實係好唔gur，有點心有不甘。

那麼如果填這條數，便是需要找到一個方法解決。區議員月薪三萬多，建制派原本有299席，年薪有約有四十萬，意即四年原本建制可以有接近四億八千萬的收入，現在一下子跌到雙位數議席，還要其他透過區議會辦事處的收入，這條數其實頗大，隨時埋單有五六億。這五六億無左，自然後要找另一條數去填，政府現在就是正在想辦法為建制派填這條數。

星島報導說會林鄭話會幫輸了的議員找出路，其實暗示要填條數，但講真要點比同如何可以比所有人，要巧立名目去「回贈」比班建制，其實唔係唔得，但係好核突。看看劉江華，輸了超區議員卻得了一個局長位，這種政治酬庸，係香港先有，仲要比得好核突。

有人會話點解唔可以，當年奧巴馬都比左個位希拉利啦，希拉利咪一樣輸左，一樣有回報，所以建制派輸左一樣可以搵返佢地做番一官半職，點解唔得先? 聽落好似好合理，但其實係偷換概念。

因為人家是政治妥協下的產物，是一個勝利者找了敗者合作，但現在香港的情況卻是完全不同，除非香港是以執政黨輪替的概念才講得通。今天港府和建制是同一陣線，民選下建制輸了卻得回報，政府給予利益是利益輸送多於政治妥協下的產物。除非有日非建制有能力執政，然後再找建制人物進入體制，這才算講得通。

再退一萬步去做對比，香港有這個情況，最多都只能說是當年董建華找楊鐵榤做行政局會議成員，這或者說是講得通。

那麼政府如何開職位予建制派呢? 其實搞下民政活動，之後開tender比人去bid，條數應該找到。但這種巧立名目的項目就必然會被人批評，但政府依家呢個格局，其實都唔太care民眾，因為中共唔想填條數但又要比壓力港府搞翻掂佢，你唔用二三流手段，真係好難拆得掂。

財政司司長一陣又話為左重振經濟，推十億民間活動，到時看看有那一間中標的公司，看看其關連人士，相信就會一清二楚。

但如果港府係一個負責任的政府，理應係即時走去新任的議員開會討論如何一起搞好個場，而不是走去搵班輸左嘅人仲要走去安慰，呢種邏輯以及政治道德，絕對係敗壞。市民要vote them in，但政府要let them in，真係荒謬到一個點。

至於講下笑就係可以搞一個叫監察區議會比建制人士去監察區議會運作，然後市民再去監察個監察區議會有冇監察到個區議會。

不過今日嘅港府，上面呢個建議，真係走去做都唔奇，因為香港政府已經痴左線。