DQ的準則可以係無準則

DQ有無準則，佢話當然有啦，仲可以好長篇大論，但事實上有無準則，大家心知肚明，不用多講。龍門在人家處，怎樣搬也可以，法規是人家定，怎寫怎處理也可以。如果還用跟規矩去玩，就真的是天真嬌。

有人說DQ更係選完先DQ，但依家係DQ左先。唔好理，站在政治博弈上，提早DQ有保險效用，先除去一些潛在風險人士，這樣便可以一勞永逸，不需要到時又再一番機制去阻止。

今天這個局面，大家其實都已經抓爛面，不會客客氣氣，還跟你說斯文，還跟條理法規?當然人家可以做到幾多就幾多，真真正正盡做，就是今政府的手法。能夠減低政治承受到的風險就去做，至於海外政局，香港是管不了，由中央去打，但內部卻一定要做得好好睇睇，不要任何差錯，正因如此，越左越好，這才可以保到自己的境地。過左可能在玩火，但不會被拉下馬，但唔夠左卻可以被視為不忠，卻隨時唔見人，比著你，會選邊樣? 又唔係我死，係對手死，關我咩事? 淨係「關我咩事?」呢四個字，足以明白局勢是如何運作，實在不需要任何一個政治KOL說三道四，話有幾勁同幾準又或者「XX又中」之類的廢話。

返唔到轉頭，只會越兇險，香港人這次經歷，歷史必然寫得很詳盡，因為人類歷史也是少見。