2021年3月1日星期一

飛機文不宜多睇

不論是建制與非建制,總有一些飛機文在市場上流通,因為這是圍爐取暖,保住支持者、讀者及穩住輿論,其理由也可以很多,甚至想左右勢情和輿論也會。但是作為一個獨立思考的人,真的不宜看得太多飛機文,睇得多都滯,也只會活在圍爐空間。

近日又見其中一篇飛機文是葉一知指葉劉遲早被批鬥,內容深信葉劉係下一個被批鬥的人,因為其背景及非嫡系等,大家見到這文,黃絲們異常興奮,認為好戲在望,終於到佢等,認為大家等食花生等等。

咪住,其實咁係咪你認為想要,更重要既係,係咪真係會出現呢? 飛機文寫法當然會切合到有一定理據(可以係偽理),讓讀者認同感到存在同溫層中互打飛機,以求刷存在感。但是今天這些飛機文,有沒有作用呢? 葉劉會否被批鬥,對非建制是一件好事?有助所謂的運動前進? 更何況有沒有真正出現所講的批鬥實在言之尚早,甚至係唔出現也不定。還記得19年時,人人說警隊遲早被公安取代,警察遲早是Condom云云,叫大家等睇好戲食花生。今天呢?國安處成立,由警隊負責,人家已經係融合而非取代,當時這些飛機文,今天已經被否定。同樣地葉劉這被批鬥,呢一刻未到,實在無需要大講特講當真正來臨一樣。你想佢真係出現被批鬥又點,也於事無補,難道會讓運動形勢扭轉。

同樣地陳雲也曾經時常說什麼紐倫堡、支爆,迎送美軍來港等等的飛機文,今天看來實在是一種喜劇笑話多於預言家。

之所謂不要看得多飛機文,是避免大家沉醉在一個不能預計的願景,是極度危險,不單無助運動,甚至是害了自己的期望和有關笨略。

正正經經,望現實的情況,再盤算一下,往後的日子怎行才是更值得去思考。地區議員早晚被DQ時,各方有沒有Plan B? 如何執行? 去向如何? 保住議席邊是決定離開? 移民為往日作準備作逃生鬥還是留港建港,這些才是今天值得去討論、思考,而唔係每日見對家好似就黎仆街,好似好開心咁。事實係人地都未仆街,自己因為唔諗唔行動,守株待兔而自己仆街先。

打飛機可以,當你渲洩下,但睇飛機文少看為妙。

伸延閱讀

批鬥葉劉是遲早的事

【請停止「文革式」批鬥新任食物及衞生局常任秘書長劉利群】

沒有留言:

發佈留言

LinkWithin

Related Posts with Thumbnails