2019年5月27日星期一

恥笑陳偉霆英文,咁王敏德廣東話又好好?

陳偉霆在中國很紅,成為中國最火紅的男星,一套劇集的片酬數以千萬計,當年在Google打「而我不知道」就即刻有陳偉霆的關聯,當今天人家已經在中國紅透半邊天。一些人在恥笑他的士陳,今天依然有人繼續恥笑他,一方面認為他沒有這個才能,何德何能可以如此火紅,一方面也有一定程度的葡萄,走去大陸行個白鴿轉就成功,意料不到。

或者有人認為他沒有才華,歌又不好,演技又沒有。不應該有今天大陸演藝圈的地位。所以不少港人對他有頗大的負面評價。

現在還要恥笑人家的英文。連網英語KOL蕭叔叔也加入這個行列,說「徇眾要求」,那香港人是不是有點幼稚。

近日陳偉霆被邀拍一個名牌Chanel的廣告,廣告裡面他說了一段英語對白。廣告出行後網民紛紛取笑他的英語發音差,說不如說中文算。

香港就是這種膚淺,那看看港人的雙重標準,時常拍戲飾演飛虎隊教頭演員王敏德,早在上世紀八十年代在港拍戲,當年《神奇兩女俠》入面做男主角,那時他剛剛從美國來港闖天下,到今天他來港生活也有差不多三十多年,但他每次演戲,他仍然半咸半淡的廣東話演繹,有時候還完全是英語演出。不是要說來香港一段時間,要學好廣東話嗎?外國人說半咸半淡廣東話,就覺得好可愛,好叻叻,但一個藝人不能說出一段完整英美口音的英文就被恥笑呢?

ABC男女在蘭桂芳就特別吃香,是不是有點奇怪?洋腸好吃呀!!你就好啦溝鬼妹!!這個年頭仍然非常普遍。

陳偉霆要被恥笑,又試下叫畢彼特或者里安納度拍澳門賭場時講成段廣東話又得唔得呢?如果佢地能夠講到無外國人口音,真係咩都得!!何況他們根本也不會說。因為大家都覺得一講純正廣東話口音,就即刻Cheap左呀!!當左去重慶大廈呀!!問心睇下大部份香港人係咪咁諗?

當港人恥笑返港人英語差,笑陳偉霆、鄧麗欣英文唔好,但轉個三分波自問自己英文有幾好先?真心講,活在香港教育制度下,都好肯定大部份香港人的英文普遍水平不及新加坡,口音更很「港式」,這是預料之中。你要一個普通香港人陳偉霆口音如牛津標準,係咪有點強人所難呢?再看那個廣告,其又唔係真係差到一個點,只是不是純正英美的發音而已,為何如此挑剔呢?

這裡並不是為陳偉霆平反,而是要一些香港人的無知思維有所批判。一方面笑人英文差,但又唔知自己英文有幾好,另一方面對待所謂的黃皮白心ABC又會認為講唔正的廣東話好可愛,真係乜野心態?但一個轉頭見到大陸人講「勿演米」就係度恥笑人家。

問下自已有沒有這種心態?如果有,請好好反醒一下。

做人唔係咁呀!!

講到呢度,一定又會有人話你偏幫大陸人之類,又話你大陸狗,返去大灣豬啦!!

如果仲係咁諗的話,就更加on9,真係井底到一個點。

陳偉霆單新聞可以笑,然後大家就當茶餘飯好討論話題,但看看其他香港大事,大家繼續不聞不問,這才是真真正正港豬,不用去大灣豬了。

LinkWithin

Related Posts with Thumbnails