亞運幾多億都唔好搞

講真香港實在不適宜搞亞運，除了是因為成本外，更重要是真的不想亞運這個有意義的活動在一個從來沒有運動土壤的地方下表現出來，即使亞運要幾多億，都真係求下你唔好搞。

如果香港搞亞運，其實是浪費了一個優秀的運動會。

仲要話四百億?真係火都黎，仲要話其中三百億係唔係都要比?咪作得就作啦。

四百億又可以起多條高鐵都得啦，拿四百億可以資助幾多學生讀書?可以有幾多個元岡幼稚園唔駛面臨倒閉的危機而要一個四千五百元的校長咁辛苦?

這些官、這些議員，做人真係唔應該咁做，唔係說話刻薄，咁樣浪費真係好傷陰德。

另一樣是亞運的精神，香港一定得，的確我同意香港是很有其拼勁，這是全球人所共知，實在不需要推廣開去，而更甚的是香港要搞好亞運，先搞好自己的體育文化和其發展資源，而並不是走去搞亞運，唔搞亞運，你政府一樣可以起更佳的體育場地喎，一樣可以有提供完善配套給予運動員。並不需要有亞運才來培養運動員，這是一種本未倒置的錯誤邏輯思維。

亞運是好讓運動員發揮所長，而且能夠體現運動精神，但香港現今仍然沒有這種土壤，我寧願香港有朝一日有這種土壤給予運動員才挺起胸膛搞亞運。介時我必定一百個支持，一萬個敬禮，一億個投入亞運。

但現在一句都唔好講亞運，一毫子都唔好搞亞運。

拿四百億，投資社會發展，當中教育、民生、經濟、產業，我當每樣一百億，其實都好好啦。

我真的希望「香港亞運一定唔得」。

霍震霆議員，請你投反對票。

P.S. 政府請不要找李麗珊、黃金寶等尊貴運動員走出來說支持亞運，請不要抽他們水和利用人家的社會名氣，唔好咁衰格。