2019年4月24日星期三

國際關係學者眼中劇透復仇4死全家還是佔中九子入冊重要?

首先講講今日有咩咁特別先,《復仇者聯盟4》終結篇終於上畫,而佔中九子亦在今日判決,時為2019年4月24日。

作為一個處於香港國際大都會東西文化交流融會中心兼時代分水嶺及最好與最壞時代的九龍居民。當然是劇透死全家重要啦,喂,你劇透,我就當等於被睇左,等於無得同人講話第一身走入戲院點點點喎,我無得係FB威喎。我無得係IG講個感受喎,我無得咩咩咩喎....梗係大件事啦。

這並不是嘲笑,而是事實真的會是這樣。並不是說港人的社會意識薄弱到一個點之類,而是港人今天的心態早已改變,完。

不過對於國際關係學者口口聲聲國際關係如此重要,又會對下時社會留意的沈旭輝,真的很想叫他再次又做一個Polling囉。但執筆之時,只見他Po了一幅復仇者圖,但佔中新聞則缺,就係咁多。

回到上星期,巴黎聖母院大火,同日安心偷食出現,他就不急及待在臉書做一個Polling,問邊樣關心。因為前者是國際時事,後者是本地娛樂新聞,不知對港人是那樣重要呢?對於結果,其實並不重要,重要是他為什麼要做這個Polling,才是重點,是取笑港人無知還是為自己有國際視野而自我陶醉好威威呢。

但到今天,未見到他有關類似Polling出現,只是關心復仇者聯盟...或者你會話,兩者不同,點可以相題並論呀。唔同?不知幾同,甚至是超越之前的討論重要性啦。復仇者聯盟電影是全球注目的娛樂產業,更是近年全球最賣座電影系列,當中故事更涉及到國際關係,絕對是教授所講的國際關係。再到佔中九子判刑,更加重要,不論是本地或者國際社會,都是異常關注,這都是有深遠影響,從法治到政治,都是有牽涉得到,你話唔重要,唔好玩啦。

作為本港「地位崇高」的國際關係學者,但點解唔去提,點解唔去講呢? 安心偷食有得抽水,但佔中九子就不敢抽水嗎?生怕抽到鏹水乎? 怕得罪任何一方,左中右? 今天國際關係學者都變身成為了商人,其產業有餐飲、旅遊、親子教育,可謂多元化,成功商人。在商言商,撇走本地政治,絕對是金科玉律,亦一貫他的行事作風,因為珍惜自身羽毛,奉行其「not in my backyard」心態,唔好掂到就當無事發生,但國際關係這些如此疏離心境但又可以打扮為社會有識之士的icon,這個定位捨我其誰呢? 名校出身、家世背景強勁的學者身份,華人對學歷和背景向來崇優,利用這種角色去推動「大灣區」真係恰如其份,所以一如早前在大公報訪問一樣,有如他走進大灣區說的「便會豁然開朗」。

說到這裡,關港人咩事?其實唔關係,只是對於一些所謂商人學者,有點作嘔囉。

又咁講,試想一下現在人家的產業生態鏈,能夠在「大灣區」發圍的話,有多大的吸引呢。到時次主權都可以放埋一邊,大灣區人才是大家所要的共融社會生態,可以一變口號「站在大灣區,放眼看世界。」真係開心到一個點啦。

伸延閱讀
沈旭暉:「眼界跨越邊界,你會豁然開朗」

沒有留言:

發佈留言

LinkWithin

Related Posts with Thumbnails