2012年7月27日星期五

好野唔學,衰野就學到足

按我分享

細細個阿媽成日都會有一句鬧
「好野唔學,衰野就學到足。」

現在我發覺近期同樣有呢種情形發生在我們的社會當中

「人家歷史都冇講黑人被迫害啦,做咩要講李旺陽先?」
「人家夠有槍擊案啦,做咩下下要講六四先?」

這是一種什麼的邏輯?
人地仆街,你就要跟?
但你偏偏唔會跟下人地好既一面。

加拿大、澳洲政府對原著民作出道歉,承應當年白人社會對自己犯下既過錯。
咁中共有沒有說過自己承應犯下既過錯呢?
先不說六四,免得又話敏感或者又什麼有待討論,那文革又夠會未呢?
單係當年劉少奇夠慘啦,最後有平反呀,但其他不知名以及免端端死左既平民百姓在文革下鬥死既又點計呢?有沒有說過走出來作出道歉呢?

人地可以自由上網,有法治保護,但我們可唔可以在國內上blogspot.com?國內法治能否保護平姓而不是保護貪官呢?

汶川豆腐渣、毒奶粉這些無人性既劣行,起初總會是追究到底,但到頭來居然是受害人是被迫害。真係冇病?

做人要將心比己,你識下有日你個仔或者個孫無端端食左毒奶粉,然後你走去要水賠償或者醫病,但係警方甚至是林鄭月娥會話同你搞掂,但到最後要你簽張協議不可以追究,否則不會醫,甚至將你地隔離,以避免傳媒如蘋果、明報等相繼報導。

你可能每日在窗外望著樓下,日日如是,打開電視就只見個特首走到街上,拿著張摺登好有心地問下街坊,還要係你樓下,但原來你卻被軟禁左成年。有日劉華或者發哥想探你,問候下你,但警方卻以人身安全要佢地離開,你就仍然困於屋內。

這並不是虛假陣述既虛構故事,而是活生生在我們現今國內出現既情況發生。

你還要歌功頌德說共產黨無私奉獻?

試問為何薄瓜瓜不回國?為何國家領導人個個子女在外國?但陳光誠卻要逃走到外國而不是真真正正光明正大出國?一個盲人要這樣的遭遇,你估好玩呀?一個被虐死的李旺陽囚了二十多年,最後還要企著自殺?

做人要有良知,愛國從來不反對,但絕對不是盲目見著一個政黨可以如斯腐敗還要每天說黨的領導是最好,這麼虛假與肉麻。

9 則留言:

  1. > 「人家歷史都冇講黑人被迫害啦,做咩要講李旺陽先?」
    美國教育又好,新聞又好, 得閒就會講黑人被迫害.
    連假都有得放(MLK Day), 點可能冇講黑人被迫害?
    家陣美國黑人係畀人"逆向歧視",比白人享有更多社會資源...
    美國人係絕對勇於承認錯誤的.

    > 「人家夠有槍擊案啦,做咩下下要講六四先?」
    美國人,由總統到平民,對於槍擊案,無一不作出強烈譴責,甚至全成出席悼念活動。
    如果係以美國爲榜樣的話,我哋應該強烈譴責共產黨,年年64出席悼念晚會。

    很多人用美國來批評批評中國的人,是站不住腳的。因爲好簡單,即使美國問題多多,但美國人承認問題存在,認錯,並且想辦法改善。

    回覆刪除
  2. 美國人有權批評政府, 不會受到逼害; 大陸人也有權批評美國政府, 不會受到逼害. 故此, 美國人和大陸人都享有充分的人權和言論自由.

    回覆刪除
  3. 世界各地的國教科會不會著重把社會的陰暗面寫出?
    香港的國教科為何要寫大陸陰暗面?

    因為大陸政府禁媒體報導批評很多東西(例如不讓跨省批評), 香港要特別補足.

    回覆刪除
  4. 「人家歷史都冇講黑人被迫害啦,做咩要講李旺陽先?」
    但人家不會有網管不讓你post黑人被迫害出來
    大陸網管不讓你講李旺陽.

    回覆刪除
  5. > 世界各地的國教科會不會著重把社會的陰暗面寫出?
    這個也不成立。
    美國係特登教奴隸制有幾唔好,解放黑奴係點重要,連解放完黑奴,黑人依然被歧視都有講。
    你唔使信我,自己去amazon 個網睇下D教科書個目錄啦,成個chapter講呢樣嘢。
    美國人點解敢教呢d嘢呢?因爲佢哋勇於認錯同改過。咁樣先可以防止重犯錯誤。

    中國人要真正站起來,就要做到勇於認錯同改過。

    回覆刪除
  6. 各匿名的理據確實極充實亦合理,獲益良多。

    回覆刪除
  7. 中國人奴性太重
    其實HK人都係
    學好三年學壞三日
    三日之後再三年
    中國人要真正站起來…其實中國人唔需要站起來
    西方一定會走向衰落,到時中國維持現狀都OK
    中國只要不斷輸出流氓,西方就好易淪陷
    薄瓜瓜或者就係去個邊埋伏既流氓阿頭
    佢老竇衰左好可能佢都有份

    回覆刪除
    回覆
    1. "中國只要不斷輸出流氓,西方就好易淪陷.....
      西方法治不是那麼容易..
      輸出中國新娘如何?

      刪除
    2. 都係一個好方法wo~~
      混種涵化!yeah!
      法治其實很容易攻破
      槍炮、病毒和流氓就OK

      刪除

LinkWithin

Related Posts with Thumbnails