按我分享
以下是純屬N次元虛構故事，如有真實，實屬屎忽撞棍。
在特首準備上任前不足一個星期，嫦娥有晚突然收到一個call，是來自中聯辦(中一聯如招生辦公室)的來電，是他們的紅人研究部部長小露寶來電，嫦娥即使入迷地著看著心戰的陳豪如何像她平日一樣殺人不見血，也要立時提起電話聽聽主子分咐，免得好像昔日上司被搞就麻煩。
「有野傾，西環碼頭見。」
「係，係。」
二話不說便收線。嫦娥心裡暗道頂你個肺明知呢個星期心戰大結局，要人夜夜麻麻出去，真係無謂，要人到第二日上MyTV睇返。但嫦娥又想會唔會小露寶對我有心呢?見佢上次同我傾偈問我家庭狀況，婚姻生活是否美滿，唔通想我做小三?不可能，我日後仲要去前宗主國過田園生活架麻，唔可能返碧桂園咁低俗既。
夜晚既西環碼頭，已經唔係以前既西環碼頭，因為附近起左好多樓，又多食肆，根本兩條友等肯定揚到爆，好明顯小露寶真係對香港好唔熟悉，以為仲係以前舊屎。真係「中一聯如招生辦公室」，招埋d小學雞思維既人返來。
唯有嫦娥一見到佢便立刻叫佢上車，駛到較靜既數碼港，學足藝人偷情橋段。
「我想你接替狼狗個位。」
「老細?唔係化?玩呀?佢都未上任就叫我接替佢?你係咪搞笑左少許呢?」
「呢個星期收到風，星期日老胡上飛機後，香港市民就會空群出動叫狼狗下台，咁既情形中央會鬧爆我地，話我地做咩捧條咁既人上去，搞到一鑊泡，未上任都咁多人鬧，仲得了既?所以我地有個Plan B，就係你上場繼續打埋場波佢。」
「我做不務政業司司長都係蚊水，你咪以為我真係好打得先得架，我實情係好吹得，你問下有邊個官係識做野架，你搵個第二個啦。」
「你咪同我行呢套啦，見你個樣就知道想做首位女行政長官啦。僭建單野你扮到懶係公正咁，分明就想同人劃清界線啦。依家就係有條好路數過你，你好好把握呀。」
「我咁好既演技都比你識穿，不愧為大內密探。不過狼狗唔會咁順攤話下台就下台喎。佢等左三十年，唔通第一日就落台咩。」
「你同我定啦，佢係我地既系統其中一粒鏍絲而已，拔佢出來，換過佢，有咩問題先?再過多一排，佢就會腳痛、心煩、冒汗、手腳冰冷症狀，然後就好似佢以前個老細咁求其搵個理由辭職架啦，到時以你既民望，一定順利做到首任女行政長官喎，你又熟悉政府運作，二撇雞做政務司，尹志平做到司長，到時二撇雞做多一年，志平上位，咁就名正言順到位，完整地西環治港，到時就冇晒麻惱啦。你接棒，我放心。」
說到呢度，有架車駛過來，原來係確鐵穿，然後接走小露寶走。
嫦娥好開心咁翻屋企同老公講佢隨時成為第一位女行政長官，然後就上Mytv睇埋佢套心戰。
小露寶上車，確鐵穿坐在旁邊，兩人講返剛才兩人對話，並從佢鼻哥拔了條鼻毛出來，居然是個偷聽器，將條鼻毛偷聽器插入個iPhone坐上播放剛才兩人對話。
車子然後停下，司機轉身向兩人說話。
「老細，我都話佢養唔熟架啦，你睇佢反應就知啦。」
「狼狗，鬼叫你真係咁既格咩，唔係我地你邊有今日呀，我的確係試下佢，不過你唔好唔記得我地真係可以搵佢代你架。你好自為之啦。」
「係既，你既四大任我務必定完成，不負兩位恩公之大恩。」
沒有留言:
發佈留言