權霸與老孫

為官者有時是很難說一些「良心」話，因為鬼叫你要打份工咩，但是為官者卻可以避重就輕，免得自己拿屎上身。

而今日最醒都算是權霸的「廣大市民代表」的一句話，立法局在討論「六四」時，我都唔會預左權霸會說平反六四這種有骨風的話，如果佢講既話，就唔會坐係呢個位度。但他說了是代表香港市民的話，就真係踩重地雷，明知自己不是民選，就唔好咁唔知羞話什麼代表香港人的說話啦。真係搵架來掉。

至於昨日教育局長老孫說六四未有共識呢句話都幾搞笑，六四事件是一個過去式，點解要有共識呢?死人都要有共識?

為官者，以民為本，但為共產黨官者，要以黨為本，才是在中共圈打滾的生存之道。

請不要怪這兩位狗官所說的「不該」話，你不能對他們有什麼期望，只要唔好說錯話，已經是對香港的一個福份了。可惜佢地成日講錯野。

權霸近日原本因為豬流感好地地，民望上返，但你一句代表香港人的意思，就即時又回到原處，真係做來做去白忙了一趟，後面軍師有時候多點向他提點，獻多些計謀，否則仲衰過老董都似。