2018年5月25日星期五

侵侵同金仔玩死政治評論員

侵侵取消個會,其實最大影響唔係金仔、習大大佢地,而係一班所謂的政治評論員,呢個時勢,做政治評論,真係好難搵食,佢地真係好難捱,因為政治的風向轉得快、變得急,你要企邊度,然後就去spin個輿論來証明自己看得清,睇得見,難過中3T。

金仔開頭喊打,到走去同文在寅開會,決定搞侵金會,後來同習總散步,之後突然發難變面,再輪到侵侵取消會議。

以上這個過程,每一步都是屬一百八十度轉角,如果你話預計得到,然後話係咁玩法,老實說,連自己都說服唔到自己啦。

今日嘅政治,不論是國際又好,本土又好,評論員其實都好被動。還要是國際政治氣候,昔日的二元對立,冷戰關係,今天早已不能夠應用之中,國際政治再變得複雜和多元,國與國的關係利益可謂糾纏不清下,根本只有當時人的幾個政治人才能夠真正「點玩」,甚至有時候連自己都唔知點玩下,評論員怎會能夠理解得到現今的政治形勢。

以今日侵侵一封信為例,不同政治立場的解讀已經大不同,撐侵侵的如陶傑,就講到佢篇文是英文極品範例,又說霸氣盡現,但你嘗試走去BBC的Facebook評論看看,不少人認為他的英語水平學生也不如,認為取消對話是愚蠢行為。

又例如中美貿易戰,紐約時報認為美方是蝕底,但國師之流等說侵侵是棋高一著,中興一役已經咬住中國喉嚨,但另一方面一些中國民粹又會話是國恥,但另一邊民粹就話中國勝利,厲害了,我的國。

其實無人會知道各國政府在做什麼。

今天雖說資訊是開放和透明,但是評論員所接觸到的資訊其實也是有限度,在資訊不對稱的環境下,其實怎會可以能夠清楚斷定到一個政治形勢。基本上只能夠以表面局勢來看, 不能夠用推沙盤方式看待事物。因為政局下一步棋,連局內人也不會能夠認清事實,局外人又怎會推演得下去。

你話習大大驚定侵侵面青? 在今天國際環境多元甚至是多極致形態,誰能笑到最後是沒有把握。美國即使是超級大國勝算也未必一面倒,中國所謂大國勃起同樣不切實際。輿論或者評論者其實只是根據本身的政治立場去看待而非以政治形勢去判斷。

但燒山說話,真係唔好唔信邪囉,可能係世上最勁的政治評論員。

至於新加坡原本搞嘅大會,依家無左,唔知點算好就真。Book晒房,又Book晒Ball room,你一下子唔嚟,咁搞咩function好呢。搞華姐啦,或者美中南北韓日俄姐,六方選美,由阿叻做主持,TVB製作,一定有收視。

沒有留言:

發佈留言

LinkWithin

Related Posts with Thumbnails