何解Blame the victim

社會是得意既，因為社會是由人類所組成，七十億人就有七十億種想法，這是明白。但明白還明白，有時候會問何解會這樣?

蘋果停刊，網上唔少人會說好傷心，說香港沒了，死了之類，這是理解，人是有感情，特別在這幾年香港的變化，感受很深。一些建制派當然會開檳慶祝，明白，因為贏了一場仗，當然會賀一賀佢。但是一些本土派、熱血人士，在這一刻正在落井下石，單打取笑，這是一個什麼邏輯?

在政治當中，私怨是常見，所以見到人家沒了，很心涼，覺得是抵你死既。但是去到這一刻，你還持這種私怨? 記得19年時，很多人上街，去衝，有人叫人唔好死，衝來無謂或者不值得，留條命更重要，這是明白，也理解，因為好心同真心勸大家。但今天人家執了，又轉過來說這是現眼報之類，甚至又說蘋果唔做呢樣，唔做果樣，唔做archive，這和Blame the victim基本上沒有分別別。

這並不是黃唔黃絲既問題，即使一刻有其他本土、熱血系等等因政治事件而陷入險境，唔通又話佢地? 將心比己，易地而處。唔係講一些非主流既說話，就等於是清流，就等於看得透，看得通，又將自己什麼智力門檻提升120，只是自己進入了一個圈圈，走唔出來，做怨婦。

呢一刻都在內鬥，其實是浪費自己，燃燒自己本錢，實在不值得。

如果想贏，正正經經提出意見，做左佢先啦。

繼續參選、落區、文宣......種種種，你都可以做，但唔好仲懶勁只懂批判然後圍爐取暖，因為把!火只會越燒越縮。