要錢還是要公義的電盈一課

電盈種票案暫時告一段落，上訴庭對小股東得值，小股東喜出望外，第二日電盈大派八十八億，可謂盡派，而股價也即時下跌13%反映私有化不成功，小股東贏了官司，輸了錢。

如果你是股東，你會怎樣想?
一、要錢唔要貨，比澤楷算數，一乾二淨。
二、同佢死過，橫掂個價都咁賤，一於玩到底。

如果你是局外人，你會怎樣想?
一、支持小股東，因為要公義。
二、支持電盈，因為看財技的出神入化。
三、兩邊都支持，等睇戲，因為唔關自己事。

這次官司贏了，可以看到你自己的心態是如何取捨，而心態是要重自己的私利出發(自己的角度)。有人說這是法院彰顯了公義，是件好事，其實這只是因為這會成為案例，日後有咩同類，有法可依，等大孖沙唔會咁狼，大家搵啖飯食下都好，唔駛食晒。背後的公義其實都只是利益二字。
倒轉頭，眼見現行電盈其實的價值不值一晒，沒有前景，為何還要眷戀它呢?買股票其中一條就是不要和股票成為結婚，情人是最好的。一結婚就成世，在股票是沒有可能。畢菲特都是有出有入，只是其「情人」拍拖(持貨)較久而已。眼見未來如此差，倒不如分手，拿回「掟煲費」，總有點落袋，然後重新搵個件好過，如中移動等新老婆都得架。何解要攬住個冇用的另一半呢?

從公司管治看電盈的行為的確是有不當，因為沒有責任心，只是想玩財技在市場拿錢，但這就是資本市場的遊戲規則，適者生存，即使如此劣行，但就是仍然可行。小股東拿了1.3元利息，但電盈的未來會更差，因為本港電訊市場已經開放，而該公司在電訊發展亦沒有進展而走出去拓展海外，作為一個地區電訊公司，利潤不能大幅提高或者有任何增長。唯一增長就是補地價將電機基樓建成商廈，但最後亦偏離本業，形成惡性循環。

科網潮原是夢，只是科幻夢。