2013年6月10日星期一

預祝「求愛大作戰」大成功

上次「盛女愛作戰」成功引到大量眼球,仲可以一雞幾味搞其他不同類型產品,又網台又電台節目等等,這種人性黑暗面消費怎會停下來,即使你有你鬧,但繼續睇,一如中共高層富二代、官二代叫人愛國,但腳同心都很誠實地去移民一樣,觀眾話唔睇同話cheap,其實一樣會睇。

好肯定這次新一集會更成功地引到全城效應,相信呢幾個星期「求愛大作戰」會成為媒體、輿論、Facebook等主要討論焦點,媒體又可以說什麼反思、又說低俗又要睇又要鬧既文章,編導岑應可以飲得杯落。

老實說你估監制、無線高層傻的嗎?怎會不知道這個節目會比人鬧,比人屌到上天,但係佢地就係知道這才是賣點,一於繼續用這種不敗方程式去做節目。而且大家都會有同樣的心態,就是憎人富貴厭人窮。

高級知識份子或者聲稱有學有才見到呢種節目,自然會以專業口吻,大量技術詞匯來說這個節目如何不濟,如此低劣之類的「套路」說話,原全有指定動作,就是叫人「反思」,然後再大力鞭撻現今媒體淪落之類以示自己如何看得清,看得透切的高視角離地思維,相信如主場新聞、信報占飛之類都會有陸續出現批評文章,因為這麼好的題材,唔寫就浪費啦。上次那套「走過峰火大地」劉細良都會係主場新聞踩兩腳啦(當一個攝製隊同一個遊客來比較其實已經很柒),今次唔做唔抵呀。

至於酸葡萄的一批更加不會放過任何一個機會,預計批評對白:

一、睇下條仔幾低能,真係柒到冇朋友
二、嘩,條女咁都可以上節目
三、嘩,真係港女極品。
四、好心條仔就咪扮野啦

當你嘲笑完一番,自我心理得以平衡,舒舒服服洩洪對自身現在的不滿狀,這種發洩並無不可。媒體亦預計有此情況,才出這些節目讓大家在這半小時上消費。

從第一集看,這節目會比上次更成功,因當中三個原素,參賽者有男有女,這樣便對準兩性不同市場,男有男鬧,女有女取笑,還加上節目中的主持都是聲討對像,簡直是鼎足而立,如此多目標,怎會不成話題。

再加上壹仔、忽周、東方新地、東周的雜誌加入吹棒,必定成為全城熱話,一來可以賣紙,二來又有題材,真係正如此抵DEAL套餐怎會不放過。

的確這文都同樣地消費這個節目,無線你贏了。

伸廷閱讀
TVB求愛大作戰主頁

字裡行奸一早把這現像說給大家聽


幾好,岑應都有廣告呀,有賺啦!

沒有留言:

發佈留言

LinkWithin

Related Posts with Thumbnails