近日國航購入中信泰富的國泰股權，讓國航成為國泰公司的第二大股東地位，而同時間中信泰富亦售一部份股份予太古，讓太古保持最大股東以及股權達到39.97%增至41.97%。而國航則比例將從17.49%增至29.99%。
市場即時作出反應，就是太古和國泰都升，國航和中信都跌，何解?國航收購這個價是溢價高漲，即係買貴貨，但唔好以為中信都著數，因為中信連這隻金蛋又賣埋來填數，有七十億落袋，但是一次過入賬，往後就再沒有錢收，即係賣家當，咁前景就不被看好，雖然中信成日話會專注核心業務，但是中信唔係一間綜合企業來咩?那方面才是核心業務呢?國泰理應係中信的長期投資資產，作為收租模式，每年食息都好呀，不過輸左百幾億，唔賣下野，邊可以生存呀。
相反太古則更有利，一來引入國航，日後內地生意可以合作甚至合併都可以有這個可能，二來保持大股東，還要是穩如太山果隻，仲唔著數，而且國泰這次股權一換，溢價上升，對股價也起了作用。
再看國航則有點買貴貨，眼見中信等錢了時，而且市道咁樣，買價理應是主導者，現在居然有10%溢價，並不好價錢入市，另外購買要借錢和融資，國航在內地航空公司已經叫有強力資產，但係都蝕錢營運，現在還要問人借，真係兩邊蝕。當然長遠而言可以視國泰為將來兩間公司一起合作成為一個重要的基礎，等市道復蘇後便可以大展拳腳，可是投資者往往等朝不等年，而且油價波動大，即使對沖油價都未必讓航空公司有錢賺，此外經濟根本是虛火之時，實體經濟仍未起飛，航空公司便要用貴油，賣平貨來營運，所以國泰、國航都是慘淡經營。
這次一個示範，英資公司露兩手便看到其營商本領，又可賺錢時同時有優勢，這種管理層，真係去邊樹搵呀?
難怪太古trainee向來都是難入，實在名不虛傳。
沒有留言:
發佈留言