2011年1月11日星期二

駱克道喜喜的港式態度

喜喜是傳統的茶餐廳加燒臘店,著名食品是燒臘飯,所以每次到這店,多是叫切雞、燒肉飯。

今天較晏才吃午餐,但又不是太餓,所以走到這店時便想想吃什麼。但看了價錢,我便有點驚奇,不知是否我的記憶差還是真是百物騰貴,雙拼飯是50元,和連鎖式燒臘店一樣價錢,切雞飯要38元。

最後點了一碗牛丸河。

等了十多分鐘,已有點不耐煩,為解一碗牛丸河都要這樣需時?侍應個樣還不大在意說「就黎」。當刻如果等多一分鐘還沒有來,我會起身走人。
最後不到一分鐘,侍應行埋個水吧不消兩秒便來了碗河。

但我望見這碗河粉,我便知瀨野。什麼叫「不時不食」,「不名不吃」真的沒有錯。因為碗牛丸河真的很錯。

湯色淡,冇味,河粉硬,牛丸是買回來的。心知中計。但心想吃完便閃,不作他選。

但吃到一陣便聽到隔鄰台有兩個叔叔問一位正在執台的侍應。

「唔該,我想問奶茶落左糖未?」
個侍應繼續望住個客人。
「唔該,我想問奶茶落左糖未?」問多次。
個侍應繼續望住個客人。但開始個樣是想有反應。
「我問奶茶有冇落糖?」
個侍應便指著另一個侍應去回答個問題,之後另一個侍應比左包糖過佢地。

問你服未。

其實以上的行徑,相信在大少港式茶餐廳都會遇見過這類型的侍應服務態度,實在小見多怪。每當說這些問題時,便會說「幾廿蚊就想洗死人咩,比得起錢就去四季啦。」這是最「標準」的回答這個死結問題。

但看看現在的茶餐廳價錢,真的好很貴呀。再不是平民價錢。以前到北京或國內吃飯,到港式茶餐廳,當地人一定說這是較貴價的餐廳。這時便想唔駛呀,茶餐廳喎,唔係高檔野來。

但現在的物價,開始是高檔野黎架。

百物騰貴但服務仍然是「經典港式」,香港想要多幾粒「米芝蓮」,有點妙想天開。

9 則留言:

  1. 在連鎖式餐館應該唔會有呢種態度!

    有d人話唔幫襯連繫店,支持小店,如果遇著你講果間,都幾難支持得住:(

    回覆刪除
  2. 加網難逃,唯有等加人工去抗衡通脹。至於服務態度差哩家嘢,冇計,香港人嘅年輕一輩普遍講就只能說比以前差咗咯!

    回覆刪除
  3. Ebenezer
    呢間真係要黑列左佢!

    laulong兄
    最弊個侍應係一個年過五十既阿叔,唔係八十後。死未。

    回覆刪除
  4. 剛聽到翠華的豬扒飯退要 68! :)))))

    回覆刪除
  5. 小奧
    冇計啦,佢套動畫唔收得,要補貼麻。
    此外翠華成為內地自由行其中一個熱門食店,所以加價有其誘因。
    中環翠華仍然是蒲客三點的必然首選。
    依家唔好以為茶餐廳是低檔次了。

    奧斯陸有冇港式茶餐廳呢?

    回覆刪除
  6. 等哩啲咁衰格嘅侍應去第間茶餐廳食嘢,
    等佢哋受返咁嘅氣,
    睇吓佢又會點反應~

    50一碟雙拼?
    食咗識飛我都唔食,
    觀塘30有交易,
    行街自取17喳,
    咪一樣好好味,
    喜喜?
    名店?
    唓~~

    回覆刪除
  7. 印象中鹿米你已經係第二次講喜喜咯。

    我好少去喜喜,印象中雙拼飯應該唔洗50下化,我有同事話佢地午餐試過送cockroach(仔),而我有次心血來潮買飯盒,個阿嬸仲問我靚仔要乜,果次個兩餸飯真係食飽就算。早餐下午茶都試過印象真係普通。

    可以做咁耐我估係自己鋪,唔洗俾租,卦。

    (據聞翠華響上海係港式茶餐廳代表黎架)

    回覆刪除
  8. C.M.
    你果然好記性喎,而呢間係另一間喜喜。灣仔好鬼多喜喜架。好似總共有三間。

    回覆刪除
  9. 新鮮兄
    灣仔原本都一些店是二十幾蚊架,不過近日加到三十三元的午餐呀。真係好貴呀。

    回覆刪除

LinkWithin

Related Posts with Thumbnails