2013年10月22日星期二

港哩,你仲想我點呀?

有日梁姓某人在上亞厘畢道一住宅家中上床準備就寢,見到太太青儀一臉忘然,自然說了枕邊話,發洩今天的無奈。

d人成日鬧,我估我想架,你想我點呀?

因為香港冇地,所以我地迫於無奈用郊野地。(事實上是大量棕地和新界地仍未開發。)我都係為你好,你仲想我點。

香港人口短缺,生育率下降,要輸入強國人才以保香港競爭力。(本末倒置想法,香港政經環境情況如此不濟,本港夫婦如何願意生育?)我都係為你好,你想我點呀?

電視台太多,會影響市場秩序,我唔想有公司倒閉。(市場由市場判斷,何需政府操心?現在因不發牌便沒有了300員工失業。)裁員我都唔想有架,你估我想架?

行會奉行保密制,不能公開行會內容架麻,d人都唔知咩叫制度。(早在權霸時代有人時常洩露行會內容而被人警告。當年要為市民有知情權,今天卻封口不說,道理萬千。)

見到菲總統是難得機會,我不介意任何環境下進行商討。(國與國的禮節關係是外交重要一環,被拖後腿還要自威)我好忍辱負重,你想我點呀?

我落區係為要體察民情。(落區帶來千萬警察再加黑社會支援,民眾何來發到聲音?)我都落左區啦,你仲想我點呀?

我僭建係一時小失,不存在欺騙。(對手僭建就係誠信問題,但自己就清高有品)我都爆左出來,仲想我點呀?

太太回應
「僭建單野,我都同你頂左啦,你仲想我點呀?訓啦,聽朝你仲要去北上朝聖呀,果個先係你主人,唔係香港人,你洗鬼理佢地咩。」
「咁又係,阿爺咁錫我,做多四年我就上神台,正式升為中國blue blood,子女又係外國生活,又無憂,我地又係貴族,駛鬼理班人咩。老婆,都係你叻,解開我心中憂悶。」
「仲想點呀?煩到死,落樓下睇亞視好過,佢都冇你咁煩呀。弊今日唔記得買雞汁煮過沙律你試試,好正架,哈哈哈哈。」
「老婆,你上腦咩,沙律落雞汁....」
「鬼叫你唔比多個牌出來,咪食雞汁算數。抵你架!!」

1 則留言:

  1. 第二日,警方發現一名梁姓中國藉男子口吐白沬,倒斃家中,疑因服食過量雞汁致死。

    回覆刪除

LinkWithin

Related Posts with Thumbnails