2018年3月21日星期三

白鴿黨收三萬蚊過夜

民主黨黨慶晚宴,人家唔知以為係民建聯晚宴,因為官商雲集,政府三司全體出席,可見政治是多麼的詭異,已經說過林鄭是玩返昔日曾蔭權的套路來管治香港,所謂大和解,其實就係比著數。首先第一個有著數,當然是白鴿黨。

喜得佳代言人李華明當晚唱一首歌,林鄭損款三萬。突然想起《頭文字D》杜汶澤的一句話。你收得三萬,其實係要還,世上沒有免費午餐。今晚收得呢個數,還的不止於這數,嘔突有多。胡志偉話請佢地係應有之義,這是什麼的義呢? 真係好難明白。

當民建聯籌款被一大批泛民咒罵以及嘲笑,今天民主黨何嘗不是嗎? 五十步笑百步的話,反而民建聯更有效率了,至少可以籌更多。橫掂大家都是這樣Dirty啦,不要分得那麼細。

或者會說公私分明,但事實上會嗎? 你要查鄭若驊僭建,但你會請佢去飲,正常一個朋友關係,相信也不會掛,你同人鬧翻,反晒台咁但你仲會請人飲你餐喜酒嗎? 講到唔派錢就反對財政司司長的預算案,但你又搵佢來。這是所謂的大和解嗎? 但似乎是民主黨提出和解多過人家找你上門。如果說是私人晚宴,那就更加有問題,政府官員是用什麼身份出現呢? 真的帶著兩頂帽是沒有問題嗎?

如果捐款三萬蚊覺得Ok,那麼民建聯就有點無辜成日被人鬧呢。你唱首歌就得,人家畫幅畫唔得? 唔通你喜得佳真係牛肉丸爽D就比你爽YY呀?

更加有趣是其他泛民政黨沒有因為林鄭的出現,或者有人捐了三萬蚊,覺得沒有問題,留意Facebook一些所謂泛民政治KOL有沒有講過兩句出過聲呢?

三萬蚊就看到一個政黨的品格,其實林鄭都真係係高章,中共一定認為她很抵讚。

伸延閱讀
【民主黨晚宴●俾面派對?】林鄭桃紅旗袍赴會 捐款三萬創先河

1 則留言:

  1. 如果政治,尤其是選戰,靠哂一班只作精神上無限支持嘅鍵盤戰士,
    咁就死得人多
    Larry

    回覆刪除

LinkWithin

Related Posts with Thumbnails