市場「游資」是「油脂」

今年市道可謂玩錢多，大家以為金融海嘯會整死全球，然後大家拉緊褲頭過寒冬，但是這個冬天有如香港近年天氣，冬天似夏天，但又唔似夏天感覺，個feel是怪怪一樣。市場氣氛一如香港天氣。

上到二萬多點，樓價上到「八十八層」高，都可謂意想不到，當中熱錢流入本港，因為在政治和經濟上都較為有利，背靠中國市場，作為跳板，資金可以投進內地搵錢，但又不會被內地的資金限制和監管，資金可以自出自入，流動性高，所以香港成為區內甚至全球其中一個高度資金自由流轉的地方，所以「游資」特別多，來自五湖四海，美國、中東、歐洲、內地都會有。

其實「游資」特別多，有如煮飯咁，即係「油脂」多咁，炒起個市，鑊氣要夠的時候，唔落油不能夠起鑊，唔通拿舊瘦肉炸豬油乎?必定要大量「油脂」落鑊先能慶起。

「油脂」多，最後都要走油，因為不能夠食得太多肥膩野，否則會作嘔，所以「游資」最終都要走，不能待太久。一走後，個鑊就乾，火氣不足，當然味道不會像以前那度好味，但少油點都係健康些。但是要決定個廚如何運作得宜，既要有點「油」，但又不能太肥，太乾只會「冇肉食」，太「肥」又會肚瀉。並不易為。

近日市道正是如此的十字路口，你想「游資」留多久和可以走「油」多少，市場(個廚)就快講比大家聽。