2018年3月7日星期三

由習大、九巴到工聯會都知中國人有「係咩?碰!」性格

麻雀是中國國粹,是人類智力和性格大測試,當中在打牌時「係咩?碰!」更是中國人文化精髓所在。我地日常生活根本就係活係「係咩?碰」當中。

中共將改憲法,國家主席沒有限期,習近平再進一步掌握全國的政治力量,其力量可謂一時無兩,超越了當年的鄧小平的地位,可謂與毛澤東並肩。習的權力達到近數十年來中共的頂峰,黨政軍集於一身,還可以延續下去,可謂俗稱的永續政權。正常在其他國家,突如其來有這樣的大改變,相信會有很大的反彈,但是從今天橫看全國,絕對並不感到有何不妥,即使所謂知識份子或者住在大城市的人說有點不滿,其實都只是零星雨點,不足為患,網上所謂的反抗其實也只是宣洩一下,不成氣候。因為眼見今天中國經濟,無疑是讓國民生活比昔日安穩,誰會介意自由民主生活? 我生活過得去,有飯食,隔離維權?關自己事嗎?都係聽日落香港掃返兩隻勞先,這就不是最典型的中國人生活模式。

大家搵食,唔好阻我,人地死,人地事,唔關我事,這是中國人生活的一種定理。

同樣地九巴也一早看穿這個事實,聲稱加左人工,數字把戲,有工會幫手,大家合作,工人的福利不會理會,因為這不會影響到實際營運,深知司機不會團結,只要能夠拉攏到建制的工會,自然解決問題,工聯會亦深知這個遊戲規則。所以工聯會的立會議員不會站在司機一方,只要站在資方以及所謂「大眾市民」這個牌頭,大家便認為所謂「公眾利益」就成了最大的借口,可以即刻推卸責任。司機自身不團結,資方強硬,市民只會顧自己日常生活會否影響,工運怎會有運行。

現在試下鄧家彪會唔會係呢個時刻講句野? 工聯會都唔理,鄧家彪會做嗎? 大家唔好咁天真啦。又睇下佢會唔會些呀呢篇文呢?當然不會,如倒自己米。

華人從來都是「各人自掃門前雪,莫管他家瓦上霜」,不理他人,最緊要自己,所以演化今天「係咩?碰!」的局面,罷工? 你阻住我返工、放工呀。你罷工咪罷工, 點解影響我呀,『阻住大家就係不對』,也是今天萬能key。基於這個推論,所以任何反抗都不會成功,因為你阻到其中一方,就一定會話『阻住大家就係不對』,就係代表與民為敵,而敵永遠是市民自己,即係市民VS市民,咁點會成功到。

自私自利的心態,讓統治者視民眾為順民,政府怎樣對民眾也必然逆來順受,同時讓成政治領袖只視民眾為籌碼,有事鍾無艷無事夏迎春,而資方只視市民為奴隸,可以隨時榨壓,這樣市民自己不爭氣,不團結,永遠只會係死局。網上取笑九巴在其臉書上出的PO是「關公災難」,其實有這個災難又如何,網上鬧兩句比個嬲嬲就代表著做了應做的事情,有如贖罪券咁款,政治領袖沒有能力也沒有勇氣帶頭抗爭,市民又無有風骨,在此消彼長的情況下,自然任何社運、工運都不會成事。

民眾只想自身,樂在其中在打牌,對周遭的事不聞不問,燒唔到自己就唔當係咩一回事,所以燒到自己也沒有得怨。

4 則留言:

  1. 多得巴士公司呢個港人特聘壓柞巴士司機劊子手,
    香港先有如些方便又平嘅巴士服務。
    只知道每年巴士,地鐵等加價,港人例必大力反對,要求大幅縮小。
    YUN生支持巴士大幅加價,以改善司機薪酬 ?
    Larry

    回覆刪除
    回覆
    1. 如果加價的利潤係全完地反映係個司機薪酬上,其實有咩問題。大家都係打工仔,現在薪金被剝削,其實好合理地取回應有的利益。正如的士加價,加左車租但根本的士司機無多到錢,咁加價來做咩。

      刪除
  2. “只有巴士公司真正加員工薪金,先可以加價,但最多跟通帳幅度”,每次巴士繼牌加價都咁講,巴士員工薪金永遠只可微升,而唔係改善生活。
    Larry

    回覆刪除
  3. 即係最衰香港人自己,唔係財團問題

    回覆刪除

LinkWithin

Related Posts with Thumbnails