2018年4月11日星期三

港咩獨呀,考警察創新高呀!!

當建制派、中共輿論大鬧戴耀廷什麼港獨之際,國師日日講什麼建國之時,港人其實都係口響響而已。話年青一輩沒有國家意識,又話年青人對政府反感。

咁睇下近期警察招募情況先好講,早日警察新春季度招募,參加人數創第二高,考督察更是創新高呀。你問下仲有冇人搞港獨呀。口裡說不,身體卻很誠實呀。雖然你話可能考警察果班人心同口係兩回事,但係事實就係依然會有人投考警察,而不是想像中大家的所謂「黑警」是如此討厭。

市道好差咩? 又唔係,正常會話市道差,咪走去考警察囉。但你讀工科如電腦,現在不少工在請,你讀一些專門如醫護,直頭渴市。當然面對一呎兩萬元的樓價,畢業搵份萬多元工,又真係無咩願景,警察一起薪至少都兩萬時,要求又唔係要你三大畢業,人人要搵食的時候,自然要面對現實。

正因為咁,港獨仲會有市場? 唔係無,但真係會好少,是少之又少。

如果你聽國師之流、世澤由2012年習近平上台時話支爆,你聽佢講咁,咩都唔買,只係等支爆,你又無能力移民,以為支爆好了,可以入市。連兩毫子股票都無買的話,呢六年真係比佢跌左你鑊金。無人叫你唔對沖架。

講到呢度好似好支持國家政策,又好反港獨。其實重點並不是這樣,而是事實上所謂的政治KOL,對經濟、政治其實並不是你所想像那麼高,那麼深不可測,市場才是對方向,唔好成日聽什麼智商100先識明,然後就以為真係得一班人明就好似好叻咁,其實都是另一種圍爐取暖。今天會不會支爆? 當然無人會知,但在未支爆時,你要如何面對個形勢。唔通仲笑人買樓買股呀? 可能人家買左十手騰訊但同時間日日去佔領,你都唔知。

唔好信晒,其實就係最好的策略。

至於考唔考警察,睇下自己的心態是什麼,世事已經沒有對與錯,只係強權,至於有沒有公理,自己想想,香港社會好現實。

沒有留言:

發佈留言

LinkWithin

Related Posts with Thumbnails