2009年10月29日星期四

手機上位真係可以取代電腦?


記得在讀書時期,大家都說大型電腦會被個人電腦所取代,那時mainframe仍然是企業的主要科技基礎,但回看現在,相信都沒有幾多間企業會是使用mainframe甚至station,大家都是用PC以及server來替代。

但過多十多年,現在又到個人電腦被淘汰,取而代之是智能手機,認為智能手機可以成為個人電腦的代替品,倒不如說個人電腦會是被互聯網資訊平台所代替,而手機則是一個昔日的「終端機」Terminal一個的變奏。

記得兩三年前,在地鐵上多見人勁玩PSP,或者用Palm來睇小說,但近日在地鐵開始多見人用iPhone係咁SMS甚至MSN,然後上下facebook,個iPhone有幾多時間真係用來講電話,真係好少,朋友甚至將iphone只視作為上網功能,講電話還是使另一部手機nokia,但見佢成日都望住部iphone睇下有冇新message等,可見智能手機的用途經已越左話音通訊的功能,而是數據傳送。

手機的優勢是我們的習性,大家都懂用電話,但未必個個人懂用電腦。這便是一個特性,雖然手機的複雜度比起四五年前(唔好講十年前咁久),都已經大不同,但是用家則較為同步學習,即使年長使用者都可以識用下SMS咁,因為手機的緊貼性使用家會專注去嘗試和學習,當然進度始終是要因年紀而異,不能夠讓所有銀髮族都完全識用部iPhone同你twitter、facebook一番,但至少可以同個仔SMS講話自己同二嬸去打牌,都已經非常不錯。

另外是市場過往是由企業主導經濟,但是資訊大爆炸後,企業的主導能力再不是單一,反是而普及的消費者才是黃道。一個消費者並不可以改變市場營運,但是大量的消費者則可以改變命運。當大量消費者有需求時變成為一種指引,企業反而是過往的主導者成為被動者,他們配合消費者需要而作出不同形式的新服務。

所以為何手機可以成為未來十年資訊產品其中一個主要動力便是這個因由,手機是極個人化,比個人電腦更個人化。你會同老婆或者個仔分用電腦,但你不會同老婆分享用部電話。而個人消費是全球的增長動力,因此手機取代個人電腦的中心位置,其實並不為過。當然個人電腦必然有其價值,並不會消退,至少你不會用部iphone來寫一篇一萬字的proposal掛。

那投資價值來看,我們又有什麼啟示呢?手機生產商?專注於流動電訊服務的公司?電訊公司多於個人電腦公司?那買聯想好定係騰訊好?還是中移動呢?定係背後的一些OEM公司更有利?

還是請教曹仁超同原復生罷。

3 則留言:

  1. 手機給我的感覺是"既是電話但不是電話". 人人都用手機send SMS, send email, 上網, 玩game, 聽歌, 睇戲, 影相, 拍片...
    但用來打電話呢,哈哈, 好似越來越近乎零, 有趣吧!

    回覆刪除
  2. 所以手機超越左原有功能,不是電話這麼簡單,所以不要有個「話」字,其實都正常喎,手機其實頗貼切呢,哈哈。

    回覆刪除
  3. For business use, I still need a large screen and comfortable keyboard, unless the cellphone can project the screen and provide a virtual keybaord la

    回覆刪除

LinkWithin

Related Posts with Thumbnails