2014年3月14日星期五

呢間公司如何管治?

朋友工作的公司話大唔大,話細又唔細,都有成七百人,不過七百人規模但業績卻可以媲美一間國際巨企業務,甚至連母公司的主要收入來源唔少都係佢來,所以是行內有名,入到去做都算幾好下。

早年朋友工作的公司被其母公司賣盤,賣比另一間公司為子公司,新的母公司規模龐大,但是屬於發展中而有潛力,大家認為新的母公司都不錯,還有點期望會有好的日後發展,母公司為了穩定軍心,找了一位在行內挺有名望的管理人坐陣,因為這位管理人既有國際經驗,又熟市場運作,理應合適的,但可惜事與願違,這個管理人原來是原全不懂營運,雖則勤力為新公司,還搞了很多新花樣都只是徒勞無功並無見效,但每次總搞出禍來,甚至搞到公司業務下調。

母公司眼見業績不理想,便踢走這位管理人,但由於這個管理人屬大人物,又不能好說踢佢走,只好說調遷到母公司做個INED算數。眼見這樣母公司管理人唯有找內部調升,以為熟悉運作會是好辦事,便升了那個CFO做CEO。

另一方面,這幾年因為新的母公司收購了朋友這間生金蛋公司,可以透過這個金蛋公司做集資,幫助了母公司發展,二來市場需要,其他母公司的分公司亦有點成績,不過這些分公司搞的生意有好有壞,甚至有些是違法行為,不過母公司見樹大有枯節便隻眼開隻眼閉,最重要是讓母公司有流動資金得以維持運作,所以不會對這些子公司的主管下手。

但朋友公司向來都是企業管治的專業,當然覺得有問題,而且公司想發展時,要求有更大的自主空間,這樣便可以更俱市場競爭能力,可是母公司卻認為不行,因為不符合該公司的一慣作風,是要上而下達命今,因此雙方營運方針南轅北轍。

說回第二位管理人雖然是內部升遷,但原來只是適合做CFO,一到CEO根本無這個能力,因為以往CEO都是由昔日的母公司由「鬼佬」主持,佢地多數以大方向定位,策略成功,然後便叫下屬做執行,所以執行力很好,但是這位CFO並沒有佈局遠見,只懂「做好這份工」而已。然後等夠期退休算數,最衰仲要比人捉到佢貪小便宜拿公司的廁紙回家用,最後醜死鬼下退休走人。

有見及此母公司決定空降另一位,來自苗根正紅的管理人坐陣,這位新CEO表面上很支持公司立場,原來其實另有目的,就是想為公司大換血,將原有員工趕走,換來由母公司過來的人,可惜朋友公司的人還在懵弊弊,以為佢係好野。

說起朋友公司,可謂搞笑,由於朋友公司專做出口,所以大量貨品都是外來貨,很少用母公司產品,他們的同系公司員工見朋友公司福利又好,前途又有不錯,資源又唔差,所以時常借朋友公司資源,原子筆是最常見,朋友心想起初一支半支都沒有所謂啦,大家都是同系,話晒都係同一個阿媽,點知同系公司同事變本名厲,日日來拿原子筆,每日一箱一箱係咁拿走,原來拿完是走出去賣,朋友說自己都唔夠仲點比你呢?但同系果班同事仲好話你唔借比佢地,是否對母公司有離心,仲講話呢幾年唔係母公司一直PUMP水比你,邊有IFC返工呀,邊有咁好環境云云。查實是朋友公司一直都幫母公司做大生意,單係幫佢集資,再透過其他渠道投資於母公司內,才是真真正正貢獻,可惜不論是同系公司同事定係母公司的管理層都不領情,甚至有點看不順眼。

老實講做生意都係互相關照,沒有邊個比邊個,講到好似乞咁就真係離譜。所以朋友公司員工曾經想過Management buyout,成間公司買起來,這樣可以有更大的發展空間,當然員工內部都有不同意見,認為可能得罪母公司無運行。

而且新來那個CEO明顯係25仔,並且個位是騙回來的,對母公司陽奉陰違,安插自己親信做高層,原本做生意,你做到野就冇所謂啦,點知條友原來得個吹,講就天下無敵,做就無能為力,講到天花龍鳳,原來語言偽術,班下屬又無個醒,成日搞出禍,搞到員工士氣低落到極點,唔少員工都想走去第二間公司做,但係唔少員工對這間公司有感情,而且又不想這間老店被外來人搞衰,所以唔少人都死守,朋友便是其中之一。現在呢個新CEO講到自己做2017,其實自己知道心知無料,母公司遲早唔要佢,不過佢想係臨走時拿更多著數之麻。

不過日後的CEO是何方神聖,大家都估唔到,而且連點請都唔知,有d話再次空降,有d又話內部升遷,有d就想國際招聘,因為公司人才向來都是能者居之,可是母公司生怕國際招聘對佢地不利,因為隨時會唔聽佢話,所以遲遲未能成事。其實如果間公司run得好,對母公司有很大幫助,但係朋友話原來班母公司高層唔係咁諗。

原來佢地唔想朋友間公司好,因為太好的話而又成功,同系公司會爭相彷效,到時母公司權力就被下降,而更重要是母公司班高層冇肉食才是重點。

現在朋友正煩緊點樣,走定唔走,因為人生都差不多就來走到一半,一走是很大轉變,而且對公司又多年歸屬感,有如自己屋企,真係唔想間公司變成二流企業,因為朋友公司的確是有一流人才,前途不只於止,一定有得發展,可惜現在佢地由管理人的不濟到被母公司暗地打壓,作為員工真的挺難捱。

3 則留言:

  1. 良禽择木而栖,还是走为上

    天下间这么多公司,为何偏偏要死守一条快要下沉的船?

    回覆刪除
  2. 跟了這公司這麼多年,也不捨得走,而且要跳槽也未必人人有辦法。

    唉,我都想跳槽,但求老細寫封好的推薦信,順便給的盤川我走路吧。

    回覆刪除

LinkWithin

Related Posts with Thumbnails