2012年7月3日星期二

七一人數永遠係抽水好議題

按我分享

你話四十萬,佢話六七萬。

然後話佢作大,我就報細。

講到尾,就係大家不相信大家。

大家各自表述,你話咩就係咩。

你不信都冇所謂,能夠讓當局面青腳軟就得。

看看民建聯譚耀宗即時要劃清界線話要什麼認真聆聽市民訴求,平時叫你支持政府政策,依家見有人上街,數字大且不談,都心知不妙要扮正義避得九月立會有差錯。也不打緊,有種值手法大量種票送上門。

五毛要說上街得兩個人都得架,因為相信係真既,因為信就得。

所以我絕對相信當晚有四十萬上街一齊去睇煙花。

平時銅鑼灣都點止有四十萬市民呀,好明顯民陣係包括這些遊人啦,分明係講大話。

遊行人士入面有來自惠州既同胞來維權,好明顯佢地係自由行消費來港,只係見冇咩可以再買,順道見識下咩叫遊行之麻,你又計埋人地,衰到死。

星期日維園當然多人啦,假期麻,自然人流多架,不分青紅皂白,硬要將人計算在內,實在無理之極。

政府總部自然多人啦,果度觀景好,很多人去睇煙花,所以人多是很正常架。民陣又係度抽水了。你試下搵次改去由維園過去尖沙咀海旁,會唔會多些?因為近,所以先會咁多人行之麻。民陣分明係偷換概念。

打完八號風球,天氣晴朗,空氣都特別好過人,又剛巧星期日,出去行下街,係好正常既事,不應該計算在內。

好心你就咪係度偷換概念啦,有遊人加入遊行當中,好明顯係順路經過搭訕,就當計埋,人地只係咁橋由維園行去政府總部之麻,你又計人,分明是狡辯。

喂喂,我話四十萬係錯,民陣提供數字絕對係錯。人數不及03年多,所以不用理會人數有多少。這代表著市民真心支持政府架。都唔係七百萬人上街,即係至少仲有六百六十萬市民不認同這批遊行人士啦。

冇錯,因為真係唔止四十萬,所以係錯。

10 則留言:

  1. 今年有四十萬人上街, 有多冇少. 六四維園燭光晚會警方說有八萬五人, 七一, 高士威道, 怡和街, 軒尼詩道等全部擠滿人群, 而且在六小時內不斷有入有出, 人數是維園的五倍以上, 非常合理.

    回覆刪除
  2. 七一人數多年來都是有極大爭論。所以香港大學民意研究計劃為了求真,公開其點算方法。
    http://hkupop.hku.hk/chinese/features/july1/headcount/2012/index.html

    在政治上把人數誇大,對政權是有一定壓力及作用。但這樣做就是雙重標準,邏輯上犯了不一致的謬誤。批評他人誠信,自己就不用誠信,是嚴人寬己。民陣現在做的,和他批評梁振英所做的是一模一樣。

    我用民陣人數和學者人數(上限)來比較。自從2006年開始,人數比(民陣/學者 (上限) (%))由1.5倍上升到3.5倍。
    http://zh.wikipedia.org/wiki/七一大遊行

    Year 民陣 學者 (上限) 民陣/學者 (上限) (%)
    2003 500000 502000 99.60
    2004 530000 207000 256.04
    2005 21000 24000 87.50
    2006 58000 39000 148.72
    2007 68000 34000 200.00
    2008 47000 19000 247.37
    2009 76000 37000 205.41
    2010 52000 26000 200.00
    2011 218000 67000 325.37
    2012 400000 112000 357.14

    為什麼對學者的評估有信心,因為他們把方法及原始數據公開。像替補機制遊行人數,民陣公布有21.8萬人參加遊行,香港大學民意研究網站,只點算到5.4萬至6.4萬人及香港大學社工及社會行政學系亦只估計有6萬人。因為在開始時是非常擁擠(步行速度很慢),但尾段有兩條街比較稀疏(步行速度加快)。個人感覺是10萬人,但人的感覺是不準確的。之後香港大學民意研究網站把原始數據及錄影人數公開。

    民陣如果再用不實數據來誇大人數,就是有負了參加遊行的人!如果民陣每年用同一方法,把方法及數據發佈可反駁外界的懷疑。

    回覆刪除
  3. 品質兄
    所以抽水的確最好就係這樣的解釋,根本每年去拗係冇咩作用。
    信一邊既人永遠係信,唔信既就會一定反對。
    這種沒完沒了的拗數先係最無謂。

    泛民又好,土共又好,都係一樣。

    但重點是什麼?就是要知道遊行人士這個形勢。

    下次去facebook check-in數人頭啦。
    不過會有人質疑是種票灌水。

    回覆刪除
  4. 吹到個數咁離譜都唔俾人去質疑,理性數據分析完就被人扣抽水的帽子
    然後就拉去話睇實際數字冇意思
    真係咁無謂咁冇意思既不如叫民陣用港大個數咪冇爭拗囉,吹到40萬做乜

    回覆刪除
  5. 唔係冇意思,就係每個人都係你有你拗,你話佢吹,佢話佢假,口同鼻拗。正因為係,你先上來呢度大家抽下水,係咪?
    可以相信警方個數字都得。

    或者睇下個題目先,好冇?

    回覆刪除
  6. 今日信報林行止其中的提議同樣是一個不錯的根據,由警方提供警員維持秩序數字,這樣做更加貼近事實。
    另外加上使用糊招噴霧的數量,也可以做一個指標。

    你信警方、民陣、港大,一樣可以比人話扣帽子,同樣可以話被打壓,這就是現今香港社會寫照。大家看看現在這個社會所建立的不信任問題,就理解得到。

    你即使在議題上說出有理據成份,因為其他因由而模糊了焦點,這是一種社會錯配。

    回覆刪除
  7. 潛意識有以下的互罵:

    你睇你呢個版冇咩人認同你就知道民陣理虧啦。

    你又唔問下點解警方數字點解可以咁大差距?次次都係咁。

    遊行人數根本係民陣假借數字來威嚇政府。

    政府咪又用警方個數字來靠嚇。

    你從來都冇用港大個數字來做統計。

    警方又冇用港大個數字啦。

    個遊行民陣搞,責任係邊,好清楚啦。

    警方人力物力又多,你又唔見有幾準。

    ........(不能盡錄)

    回覆刪除
  8. 我只可以話你模糊視線
    信一邊既人永遠係信,唔信既就會一定反對?

    統計人數係個相當科學既問題,同時亦有相當科學既答案
    我信警方或者港大,唔係因為佢地係建制,而係因為佢地計算既方法有根有據
    他們的數字並不一樣,但我從他們公佈的統計方法,相信這都是他們在他們的算法上得出的合理數字

    民陣給的數字可不是這樣
    他們甚至連一個正常的統資料都沒有之下就說出40萬這個數字出來

    人數多過往幾年是一個問題,民陣不科學吹大人數是另一個問題
    因為重點在今年人數多過往幾年,所以可以無視有人將人數亂吹一番?

    是其是非其非,出力去行的同時,我對民陣這個不嚴緊的數字相當不滿

    回覆刪除
  9. 武光兄
    就是這種大家都不對焦,所以才得出這個你我也不能相信的答案。即使認為的「科學答案」。
    潛台詞我也可以說數字也可以騙人(沒有潛了,因為我寫得出來),做那一點數人數,以及用2011年做估計推論插隊數字也成為一個疑問等等,還是等到2012年抽樣調查才說真正結果,因為過去一年的民調之大逆轉是極高,而抽樣調查的數字推算的比例是很大,並不是一兩個百分比,而是超過百分之五十,或者可以看看港大民調計劃中所推算的方法。因此也是可以極有理由保留這個數字是否合理。

    七一人數,能否是這個七一遊行的真正焦點?我們是不是需要回到這個七一遊行的真正核心議題,而不是年年都走去互罵個數字問題。

    老實說,民陣同警方甚至是港大,會否一齊坐低,每年以這個數字做準則呢?
    相信是不會,因為沒有一勢力是會願意這樣做。

    這是政治現實。你也可以說我正在模糊視線,又不是民陣是否真確無誤。我也繼續抽,你也可以繼賣來。隨時歡迎。

    回覆刪除
  10. 武光兄、品質兄、匿名可供參考其觀點。

    遊行人數之計算必須嚴謹客觀
    http://www.vjmedia.com.hk/articles/2012/07/05/14583

    回覆刪除

LinkWithin

Related Posts with Thumbnails