2012年10月26日星期五

讓人難明的龍尾灘

梁班子上台約一百日,很多支持者都會說讓他們多一點時間,不能夠這麼快下定論。梁在施政亦曾說過他們面對很多上屆政府的「屎」要執,ok。我當明白,那麼屎是可以抹走罷,不一定要你自己食掛。

其中一些很明顯和容易做到的是一些梁特首常常說的小事。以龍尾灘為例,以一個合理的政客,又面對近期如此低水的民望的政府,其實擱置龍尾灘去發展人工海灘,其實並不是難事,絕對是一個順水人情,何解還要繼續下去。特首更可以振振有詞說「撥亂反正」啦。

要說這是因為政府一早決定,所以不能話改就改,但特首不是說過要做一些民生小事麼?現在這便是一件很少的事,其實是容易解決,停就得罷。反而要建個人工海灘,人力物力都要,還要繼續下去?

記得曾蔭權在位時,他的政績其實不多,不做不錯,少做少錯,甚至是從來都好似冇做過咁。但現在的政府一百天便日日新鮮日日金,好似唔搞唔安樂咁,其實唔搞個灘是可以有助政府的形像工程大幅改善,因為停止是代表聽下市民意願。香港海灘又就唔係得一個,即大埔冇,其實只需要搭車不到一小時,都可以去西貢都大把,何解硬要推呢?

先不說影響生態,建設成本已經不用多說,要整個人工灘,又加其他所謂的生態保育工程等,都要花費,但保留讓其自然環境存在,真係一毫子都不要出。先在經濟上都可以有理由罷。

至於生意,人工沙灘向來都是難搞,沙粒很容易被海浪捲走,而且現行生態,必然會出現根本變化,是得不償失。

自問我不會去龍尾灘,又不是什麼景點,其實就好讓大自然的環境走下去,無謂搞到人家的海馬、海星等其他生物,人地沒有動軋萬元的貴樓,他們只想有個清靜的安樂窩而已。

眼見現時的政府,不論是領導者及其下屬,實在以「估你唔到」來形容他們的執政能力。連一個海灘都可以讓人有民憤,都算是經典。

8 則留言:

  1. 其實阿狼哥路線就是鬥爭路線,一於玩大佢!=_=... 不可以以正常人的邏輯來推論。(查實睇完環保團體的民建聯和人仔力量的比喻後,我好想睇下下次示威把他們兩班人放嘛一齊會點樣來做實驗 XD)

    回覆刪除
  2. "只需要搭車不到一小時,都可以去西貢都大把", 唔知左下指邊個沙灘可以由大埔出發, 不用一個小時可以到逹, 唔好assume 人人都有私家車. 無研究, 請唔好人雲亦雲.

    回覆刪除
    回覆
    1. 匿名
      謝謝提醒,原來要多少少時間是這重要,因此就要有個人工沙灘,港人時間寶貴過自然環境很多很多,哈哈。港人突然又特别喜歡沙灘,需求很大,是不是一様[人云亦云]?

      刪除
  3. 我現在才有時間讀這個,政府真係唔知想做乜!

    講到人工海灘,真係無謂,其實冇又如何呢?呢個世界大部份城市都喺內陸,美洲丶歐洲丶澳洲同中國大陸都係,而大大大部份人呢世都冇乜機會去海灘,我以前在美國一個內陸小鎮讀書,有個當地朋友話比我知第一次去海灘係要搭飛機去加洲,而大部份美國人,都唔一定有錢搭飛機,咁又點算呢?其實住喺香港,搭公共交通公具,比盡佢,兩個零鐘都應該會去到一個海灘,已經比起搭飛機容易得多,完全唔明有乜需要建人工海灘???

    回覆刪除
    回覆
    1. 我今天也貼了關於龍尾灘,大意和以上留言是一樣的...

      http://sally-smallthoughts.blogspot.hk/2012/10/7-11.html

      刪除
  4. 其實邊條友諗出黎嘅屎橋呢?
    大埔居民曾經大力要求有人工海灘嗎?
    邊個係最初個搞屎棍呢??

    回覆刪除

LinkWithin

Related Posts with Thumbnails